新義安的小故事 (Patreon)

睇到呢單娛樂版新聞又令我諗起向華強嘅大哥向華波！又講下故事比大家聽，大約18年前認識左一位住喺尖沙咀金巴利道嘅朋友，佢媽媽其實都好鬼傳奇㗎，早年喺無線做姐仔，佢後來離開娛樂圈，單親一手一腳湊大自己個仔仲幫埋其他啲孤苦兒童，由於居住環境地點佢就認識左向華波先生，仲定期去佢屋企打掃清潔！咁我同朋友媽媽都好好傾，咁佢就同我講關於有一晚發生嘅事。佢話有一晚半夜向華波打電話俾佢求救，希望佢馬上去佢屋企，因為向生感到非常之驚恐，上到去向生就同朋友媽媽表示佢間房裏面個櫃有鬼！成晚有鬼魂講嘢，同埋個櫃自己喺度郁！但朋友媽媽去到現場乜都睇唔到乜都聽唔到！向生堅持嗰度有鬼！當然係我眼中都有幾個可能性嘅，一係向生服食咗一啲神秘物品，令到佢太high啦出現幻覺，一係佢呢行都害死咗唔少人，或者係心理壓力之下出現一種精神狀況，又或者真係如向生所講有鬼魂上到佢屋企搵佢報仇！當然所有嘢我哋都係外人，點會知道真相！新義安嘅嘢，我識條鐵咩！