HMV的故事 (Patreon)

昨天HMV執笠，又講一個關於佢哋嘅靈異事件，話說尖沙咀店好多職員都係我朋友，有一次有個職員捉住個女同事同我講，呢個做咗好多年嘅女同事見證好多舊舖嘅靈異個案，當然講緊嘅係當時北京到三層總店嘅位置，第一件事係當年女職員喺裏面做緊佢跌咗個銀包係公司,後來第日搵返嘅時候就聽到耳邊一把男人嘅聲音同佢好似鬼食你咁樣講嘢！佢有懷疑過係個靈體同佢講關於啲銀包嘅事！第二個個案就係話一日返工,保安非常之緊張咁同啲同事講懷疑有賊，因為喺閉路電視影到半夜三間有個阿伯喺個店內行嚟行去，大家check晒之後當然發覺冇任何失竊情況，而且開門嘅時候又唔見到有人,之前一晚鎖門之前有check過晒冇人！大家就認定係靈體喺度作怪！咁而家個鋪俾咗某一個大品牌咪好囉！HMV係尖沙咀搬過兩次就壽終正寢啦！都話有靈體係會幫助財運㗎啦！老細通常都唔信㗎！