電影《極地冰劫》影評 (Patreon)

好多朋友話我係M，都係㗎 ！明知道電影極地冰劫必定係爛，我頭先都俾錢衝左去睇！果然係爛！睇完舒服晒！

講返套戲，除咗最尾嗰場有少少緊張之外，其他都係廢up ！仲要唔合理到加拿大發生嚴重爆炸礦難，要間公司請隊人用大貨車運巨型喉管泵氣，千辛萬苦經過危險嘅冰湖，承受唔到嘅斷橋，大佬呢啲事而家加拿大政府應該一早派咗軍用直升機或者軍用運輸機運咗個氣泵啦，仲要等幾十個鐘頭用民間公司去運輸？！

仲要劇本寫到成場意外係因為公司高層想呃保險炸死自己啲員工之後再派特工整死前來營救嘅車隊，首先已經冇錢，仲可以有班特工及車隊幫你做嘢，冇錢極有限啦！仲要有份合謀嘅礦工可以自己被困地底，係咪傻㗎！

總之成套戲冇邏輯、冇合理辯解、啲感情線好夾硬嚟，為拍戲而拍戲！大家可以放棄呢套戲！