「東帝汶之旅10」（2019年9月12） (Patreon)

其實我哋決定去東帝汶最東端，都係參照英國旅行社安排啲鬼佬嘅行程，啲鬼佬會喺度住一晚參觀當地古老岩畫，之後就會坐船去對面個小島陽光與海灘Hea足一日，咁我哋當然cut晒所有陽光與海灘嘅行程，只係保留返古老岩畫嘅行程！老實講，來東帝汶之前，我係從來都未聽過呢度有古老岩畫！所以我都好帶着好奇心準備朝頭早離開古宅跟着導遊去探索呢個神秘嘅古文明！我哋食完早餐大宅嘅管理員原來就係呢個岩華嘅導遊，我哋坐返上四驅車佢踩前邊抓住電單車引路去到幾個森林當中嘅指示牌就停低啦！我哋三個人之中有一個決定唔行因為太辛苦，咁我哋兩個就跟住呢個古宅管理員進入40分鐘嘅森林之路！頭一段路相對簡單亦都冇乜難度，但去到後尾果斷又斜又多碎石又多乾樹葉嘅小型山路，我就覺得相當相當困難！但千辛萬苦都終於去到呢個當地被稱為Ilekerekere cave嘅神秘地方！其實唔算係山洞，你係一個懸崖波浪形凹咗少少落去，古代嘅東帝汶人就係上邊繪畫壁畫，但好坦白講，啲壁畫個數目其實好少！我哋一路參觀大概都係10幾幅，而且相當相當細小，同我之前係西非所睇嗰啲真係不能同日而語！導遊同我地講呢啲岩畫已經有成三千年㗎啦！英國佬嘅行程上邊就話呢啲話有13,000年㗎啦！信邊個呢？講真岩畫真係冇得去考證歷史，只能推測！點解當時啲東帝汶人妖創作呢啲壁畫到而家都係一個不解之謎！當然一啲歷史學家硬係要認為係當地人佢繪畫佢哋自己生活嘅一部份包括族群之間打鬥、神明嘅崇拜、外來者嘅入侵等等等等，但其中一個最出名圓圈有幾隻手伸出嚟嗰幅，佢哋話呢啲係當地人認為海裏面嘅怪獸！但我認為係UFO囉！都幾多細細個圓形發光嘅岩畫、有啲係長型好似香蕉嘅呢啲咪雪茄型UFO囉！外國專家認為呢啲係船！我就唔同佢地坳啦！當然離開呢個巨大斜坡我覺得係超辛苦，我起碼中途停咗三次休息！講真千山萬水去到世界盡頭個森林斜坡，睇得個10幾幅史前岩畫！係有少少唔係好值！但唔來過又掩蓋唔到我嘅好奇心！人生本來就係咁矛盾㗎啦！