娛樂圈雞蟲 (Patreon)

尋日又同阿劉天賜賜官錄到四集節目，都係果句咪後嘢最精彩，尋日聽左一個娛樂圈嘅故事真係嚇死人！又真係唔可以講嗰個係邊個，咁我就稱佢為H先生，錄節目中途我哋傾開娛樂圈啲藝人好鹹濕，周圍溝女，咁講到譚詠麟、成龍、曾志偉呢啲就真係唔使講㗎啦！出晒名㗎啦，個額頭有個淫蟲兩個字，但係賜官講起嗰個H先生就真係一啲都估唔到，佢話H先生其實係超級鹹濕嘅一個人，鍾意叫雞叫到全行都知，而且冇雞不歡！若果你單身叫雞都情有可原，但原來H先生好早結咗婚有仔女，兩公婆公眾面前相當恩愛！但由於H先生真係日日都要叫雞咁濟，個老婆唔單止知情，而且為咗老公唔會唔鍾意自己，經常喺屋企甚至係公眾場合扮演妓女嘅角色，討丈夫歡心！！其實令到好多娛樂圈行內人係睇唔過眼，但始終係人哋家事，就冇乜點理囉！不過我同幕後人員都震驚呢個人真係唔似㗎！H先生好鬼正經架！喂！