港台cheap老細 (Patreon)

同一賜官做節目當然都係果句，咪後野最好聽！上次佢爆啲商台秘密野其實仲有爆講台秘密嘢！話說十幾年前廉政公署查香港電台，點解查呢就源於原來當時已經冇乜人聽嘅第四台盤數有啲問題，無端端有人私底下動用左幾十萬，咁廉政公署就順便查晒成個港台盤數！點知就查到香港電台第二台有前線主持每個月要索取特定費用而唔係架構裏面嘅！其實嗰條數係某個當時嘅高層要求下屬每朝早六點之前自己用自己荷包買晒所有報紙返電台睇，之後就要做晨光第一線！咁但係呢電台同埋個老細又唔肯定期找返條數比個主持，只係每三個月用另一張單佢叫佢取數！咁上到庭前線主持解釋係老細叫佢用呢啲錢去買報紙，但係呢個cheap到爆嘅老細竟然唔肯上庭為自己所做過嘢做證人，呢隻死貓原本就會令到前線主持人坐監，最尾係關鍵審訊期間當時個女副台長主動上庭話「係我叫嘅！」咁法官就放過咗個主持！但佢個直線老細由嗰日到今日都冇承擔過任何責任！依家嗰條陸軍裝仲要扮到自己係正義之師，劉天賜都話佢係cheap精！