FBI最新解封UFO檔案 (Patreon)

「另異新聞」：今朝一早起身就要做功課啦！事關美國FBI啱啱解封左一疊50年代嘅機密文件，全部關於當時UFO專家同埋外星人接觸個案者的文件，全份文件總共319頁，啱啱大致上睇完一次，但遲啲要詳細再睇，已經可以講出一啲相當精彩嘅部份：明顯地FBI當時係進行對自稱與外星人接觸過嘅UFO研究人員跟蹤、調查及將佢哋嘅表達記錄落嚟！有部份內容都幾令人驚訝，首先FBI文件講述到外星人透露有好多聖經內容都相當真實，包括當年佢哋將唔同種類嘅動物由一個圓形嘅「方舟」運到地球，喺地球已經監察人類幾千年、聖母瑪莉亞就係佢哋其中一個外星人！又講到有啲物種嘅名稱竟然同我地中文係一樣，包括老虎嘅虎，外星話都係Hu！不過唔係廣東話囉！激死！而當中文件顯示一樣野係以前我都忽略嘅，就係點解美國政府會咁關心UFO個案同埋呢啲UFO專家嘅資料呢？原來佢哋認為當年美國有好多UFO活動背後係由共產黨支持尤其是蘇聯、或者活動背後資助緊共產黨嘅活動，事關UFO資料某程度上都挑戰緊神權以及唯心論，相反外星人嘅概念就可以配合共產主義當中嘅唯物論！係50年代美國恐懼共產黨入侵嘅心態下就形成咗美國政府對UFO嘅大興趣！我頭先一路睇一路喺度諗，我都好耐冇喺節目講UFO報告文件，之前蘋果日報搵我做每星期節目廣播我推咗，不如同佢地合作講UFO仲好啦！你地話好唔好！期票又來啦！期票又來啦！😅