教育界執生 (Patreon)

幾時都話我哋香港人係醒爬㗎啦。話說今日同一個教育機構高層食飯，講開612罷課，由於間學校冇政治立場，我嘅高層朋友算係黃𢇁，又要面對校董同埋教育局嘅壓力，點處理學生罷課呢？佢哋之前一日就出張家長信，寫到明若果聽日家長認為交通上將會出現嚴重問題阻礙返學放學，學生同家長可以提出要求缺席。當然就係比學生一個緩衝位自己決定啦！我話佢真係醒！之後612當日下晝有好多年輕教師向佢提出要求請假，其實明白佢哋想去金鐘現場，咁高層就同啲教師講：你地唔係請假只係早走啫！第二日教育局原來真係逐間學校打電話問佢哋有邊啲同學罷課邊啲老師罷課？我朋友就答教育局一個都冇！呢啲咪靈巧像蛇囉！香港人執生啊！