國際特赦組織罕有出報告指控香港警察 (Patreon)

所以我真係認為柒娥犀利過梁振英好多好多，10日已經將香港事務推到國際最頂峰，包括呢一單！咁我講少少前設先。話說早10年我同香港國際特赦組織溝通過，佢哋人員同我表示而家嘅玩法係駐守當地嘅特赦組織就唔會批判自己駐守嘅地方，而係處理其他國家嘅人權問題，互相幫助唔同地區嘅國際組織處理問題，原則上係用來避開當地政府嘅打壓！若果呢個政策無變嘅話，咁今日香港國際特赦組織就破天荒，啱啱佢地撰寫並出咗份報告，指控6月12號當日香港警方濫用暴力、非法使用暴力、非法對付示威者！整份報告清楚列明發生時間地點以及過程（包括中信大廈狂放催淚彈事件），全世界都可以下載，亦都會交比聯合國及世界各國！佢哋嘅正式報告編號係：17/0576/2019！真係好多謝香港國際特赦組織呢次出心出力，當然我亦都會預料香港政府未來對呢個組織的打壓將會相當嚴重！將呢個報告傳遍世界吧！當全世界都覺得香港警方侵犯人權，唯有佢自己唔覺得！呢次真係可以推上聯合國推上海牙法庭！再次多謝國際特赦組織！

https://www.amnesty.org/en/documents/asa17/0576/2019/en/