警隊內幕消息 (Patreon)

（篇文琴晚放咗喺Facebook我都放埋喺呢邊）有件事想同大家講講，雖然我曾經要求過老人家可唔可以將警隊之間嘅錄音對話交俾我做證據，或者親身出嚟講兩句？可惜嘅係當事人覺得驚俾人起尾注而冇作出相關行動。我當然感到可惜因為有佢做證據嘅話警務處就冇反駁之餘地，咁我就將相關事件公開比大家聽聽：話說有一位老人家係香港警察前機動部隊成員，他一直有同舊同事聯絡，以及接觸現在警務處同事，相關人員清楚向他表示，6月12日那天行動，他們高層清楚指示前線警務人員要以「誘敵進攻」的方式，挑起示威者向他們攻擊情況以制造暴動的假象，即係話你見到一啲片段有幾個警察走埋去人羣就係製造俾人打嘅機會，然後就影個video俾大家話係暴動；整個假象係有預謀有指示命令去製造輿論！老人家知道這情況後感到非常憤怒，認為這樣做可能會犠牲警察的性命，他表示警隊內部非常憤怒但不敢言。另外，鎮壓暴動係故意用塑膠彈近距離直接打人，目的其實真係想打死人！老人家係透過我舊同學將事件告訴我，希望我公諸於世！咁我都回應兩句啦！第一若果呢啲前警務人員肯出嚟做證、肯指責，效果相對會好好多，唔使等我轉述以為我作故仔。第二我聽到都好憤怒，但唔係因為會傷害到警察性命囉！而係會傷害到市民同學生嘅性命囉！老人家始終係警隊出身，同我諗法有啲唔同！第三一個出自警隊嘅老差骨都驚比自己警隊起尾注，咁我就明白呢個部門有幾黑暗！我相信若果呢個係命令可能會有白紙黑字文件，若果有人send到比我就好啦！