貝聿銘親密關係 (Patreon)

真係忍唔住要分享比大家聽一聽，大陸嗰邊嘅電台主持講啲咩？！先解釋一下我係屋企由始至終都係用接收性收音機聽電台節目，並非透過互聯網聽！若果你係同好，你就明白過去10年大陸廣播點樣入侵我哋嘅香港頻道！咁琴日無意中扭到大陸嘅電台講緊紀念著名建築師貝聿銘，兩女一男主持，非常認真地講緊貝聿銘個人歷史，忽然一個女主持好認真咁講：「我曾經同貝聿銘有個好親密嘅接觸！」呢位女主持由始至終都係好認真地講述並非講笑，咁我就豎起隻耳聽清楚點親密法呢？佢就講：「我有個香港嘅好朋友訂咗貝聿銘設計嘅枱燈，要成港幣三萬五元，並且親自搵佢簽左個名！咁我就去我朋友屋企，親手掂過呢盞台燈！」完！原來佢講嘅親密接觸就係咁！黐孖筋到呢！大陸啲新聞主持真係冇腦㗎真係發癲架真係冇邏輯㗎！咁我屋企作為古董商，我自細同好多皇帝有親密接觸！頂你個肺！