另類六四晚會 (Patreon)

我真心想講個笑話比大家聽，有時有啲老闆嘅智慧係低過小學生，我係講緊黎智英先生！話說黎生又左膠上腦，上個月同啲下屬開會話64三十周年，要自己以壹集團嘅名義搞一個六四紀念晚會，正常人聽到都覺得痴線啦！傳媒機構搞六四晚會，佢仲未痴線完，第一佢認為要喺五月尾搞！吓！五月尾紀念六月四？老細邏輯喺邊呀？第二佢叫啲下屬去搵場地舉行嗰個晚會要起碼有一萬人，首先香港有冇場地肯租俾你呢？第二有冇一萬人同你癲呢？好啦佢啲慘情下屬搵嚟搵去當然搵唔到場地啦，於是就同佢一齊傻，決定喺將軍澳工業邨壹集團自己嘅停車場搞喎！聽到都笑死人，最多咪坐到一千人！好啦正當佢啲下屬努力去計劃五月尾係壹集團搞個六四紀念晚會之際，黎智英先生突然間好似醒咗！就向下屬講：我哋都係唔搞啦！費事搶咗維園六四晚會啲人數啦！吓！所以我真心覺得其實黎智英個腦真係有問題㗎！