自我審查的電郵 (Patreon)

其實星島都忍左我好耐㗎啦！話說兩年幾前，佢哋有專欄作家因為病寫唔到，佢哋個老總自稱係我粉絲，叫人搵我幫佢哋寫專欄，當然冇問題啦！結果寫咗大約半年，佢哋發現我寫咗好多鬧香港政府同鬧中共嘅嘢，就叫叫過執行編輯打電話俾我叫我寫返古靈精怪野，講到明老細唔高興！最蠢係佢哋仲要補個email畀我！白紙黑字自我審查喎！白紙黑字控制言論自由喎！我當時諗，你cut專欄嗰日我就post俾大家睇！仲有，你個副刊老總若果真係我嘅粉絲，你都知我一向都鬧佢地㗎啦，咁你繼續搵我寫專欄係咪犯賤呢？！不過慘在我從來都唔想同香港傳媒有衝突，就係佢哋點都容納唔到我呢啲寫真相嘅人，其實除咗琴日上蘋果live觸動左佢神經之外，其實早幾日我篇專欄寫西非，指桑罵槐咁寫咗做傳媒係要寫真相㗎！唔可以呃人㗎！你哋啲老細點會鍾意睇啊！都忍受多左我年半㗎啦！多謝星島！