A1頭條內幕 (Patreon)
Content
今日蘋果做A1頭條嘅故事,講到錢永隆銀行嘅高層喺大陸受到不公平對待及司法黑幕等等,當然係人都知嫁啦!原本呢件事完全唔關我事,但冇計啦,因為我有線人喺永隆銀行做,我又忍唔住八卦下啦!八卦完又話比你哋聽啦!我係咪一個好盡責嘅傳媒人呢?!大家要話係!😂話說原本係香港土生土長家族嘅永隆銀行,多年前被招商局買咗之後,又唔夠膽直接搵啲大陸人做高層,於是就搵咗啲以前係香港工商銀行嘅人,來取代香港原有啲高層!呢個動作已經出現好多問題,永隆內部人士同我講,其實當年好多呢啲人係比香港工商銀行炒左㗎,原因係有違反銀行條例、有疑似違反行賄條例,香港工商銀行唔想麻煩咪炒晒呢班人囉!點知就比招商局永隆銀行接收晒呢班垃圾!話說幾年前五個便衣嘅中共國安人員去到永隆銀行總部,上到去事主徐志宏嘅辦公室,聲稱帶佢去深圳參觀一些地方,佢嘅下屬睇住佢上咗喺銀行門口一步國安黑色Van仔,自此就消失左啦!其實洗頭艇故事點會得一兩單啊!被帶去深圳旅行嘅徐生,即時就被拉咗話佢行賄貪污!最搞笑係永隆銀行一直都唔知情,直到佢俾人正式起訴之後,由大陸政府通知永隆招商局嘅CEO佢哋先知,你真係唔好睇小大陸嘅派系鬥爭⋯⋯徐生堅持唔認罪,原來都有少少前因後果,內部人士同我講,呢位仁兄有少少貪污,佢啲同事都認為一早有㗎啦,但焦點其實係佢老婆身上便,亦即係今次主動搵蘋果去申冤嗰位女士,內部人士同我講其實阿徐生嘅老婆喺大陸係屬於公安部門(唔知道係暗地裏還是公開)而佢老婆一直都有收受巨額賄款,並相信呢個女人將啲賄款存入佢老公戶口來洗黑錢,所以有啲事情徐生唔知,都係某部份真相嚟㗎!佢當然極力否認自己貪污啦,又唔係佢自己做嘅!不過今次好睇嘅地方係一個大陸嘅公安部門人士必定係共產黨員添,竟然求左蘋果日報幫佢老公申冤,呢場戲好睇囉!