現實世界的可怕 (Patreon)
Published:
2019-04-18 11:09:16
Imported:
2021-07
Content
睇到呢單新聞,我又爆下一單完全真實香港個案比大家聽,但由於我要保護消息人士,所以對唔住啦,有啲太過仔細嘅位我就唔講得!話說大概三年前,一個社福機構處理緊一個未成年少女(講緊佢係得12歲)被四個陌生男子輪姦!後來事件比社工知道左,好坦白講啊,係我呢代老屎忽嘅人眼中,咁恐怖嘅事發生,兩件事一定要做,第一報警入醫院驗身、第二通知家長!但奇怪嘅係負責相關個案嘅社工堅持要尊重女童嘅意願,決定唔報警唔通知家長!吓!聽到咁樣都真係傻咗!但故事仲未完喎!後來呢個未成年少女仲同其中一個強姦佢個男仔拍拖添!吓!理解唔到!而當時呢個社區組織啲比較年長嘅社工都覺得需要報警同通知家長,但年輕一輩果班社工就堅持要尊重受害者嘅自我意願!而且威脅若果主管指令佢哋報警或者通知家長佢哋就集體辭職!咩世代啊!結果呢個社區組織嘅主管妥協,唔報警唔通知佢家長!我簡直認為可以係一個A1頭條故事!不過若果爆曬出嚟,個女童一定唔好受!咁我只可以喺呢度講啦!我真係覺得唔了解呢個世界!