QE不能說的秘密 (Patreon)

每次去伊利沙伯醫院物理治療，我都聽好多故仔，我真係好鬼開心，話說今日有職員同我講，我哋物理治療大場地，某一個角落，竟然有兩個唔同嘅人係兩個唔同嘅時間都見到一個細路哥嘅靈體喺度玩波波！有兩件有趣嘅情況，職員同我講其實過往十幾年，試過好多中咗風或腦部受傷嘅病人之後就突然間有陰陽眼，睇到靈體！（我仲未見到野！）話說有一個係英國讀放射治療嘅醫生因為腦部受傷，要定期伊利沙伯醫院做物理治療，佢就係見到個細路哥係個角落頭玩波波，另一個中咗風嘅病人，亦都向同事表達同一個畫面！當然我就問其實有冇細路哥喺呢度死過呢？佢哋就話應該冇，況且伊利沙伯醫院係冇兒童科！而且最邪嘅地方係，被目擊有細路哥靈體嘅天花板，一排燈已經壞咗成個月，而其他地方係完全冇壞燈情況！可以話係巧合嘅！