天召 (Patreon)

(呢個鋪出咗之後一個鐘就已經證實佢死咗啦！)其實我又唔係天主教徒，對於佢哋嘅人事去留本來就唔關我事，但有時我見到啲有權勢嘅人，講大話講到咁又真係抵唔住頸！話說早兩年喺裏面嘅人都已經同我講其實楊鳴章一向都有重病，但佢死都要坐上湯漢個樞機主教個位，一來佢係湯漢個契仔，二來佢又親中共親到爆廠！咁我喺Facebook幾次講過楊生重病嘅問題，但最好笑嘅就係有好多教區神父就話我捏造事實，仲要私底下或公開話我責罵我，真係好笑啦，我又唔係天主教徒你咪鬧囉！結果楊鳴章上任之後佢就同記者講其實佢有病㗎！所以全個教區上上下下一齊幫楊鳴章之前講大話，我真係理解唔到！好啦呢幾日佢肝硬化接肝衰竭入院，今朝有人同我講佢都好近㗎啦！咁咪好囉！返去天主嗰度！