今日大愚！ (Patreon)

自從上次大病之後，有一個「好處」就係識多咗好多醫護人員，今日又返醫院做物理治療又聽到個醫護人員同我講起，政府將會放寬外地及大陸醫生嚟香港執業，其實問題都唔係資格個關係，因為佢哋都要重新去考個執照先至俾佢從事醫療工作，但係原來已經香港政府請咗啲大陸執業嚟到香港再考到個牌嘅醫生，喺我哋嘅公立醫院醫緊人，而聽返來的故事，個問題唔係佢哋資格出現問題，而係呢啲大陸醫生嘅心態同性格問題，例如有醫護人員透露，曾經喺手術室進行手術期間，有香港嘅醫護人員及護士發現呢位大陸醫生有部份地方出錯，但呢位大陸醫生嘅態度係不單止唔承認自己出緊錯，而且繼續用出錯嘅手段進行該手術，由於佢就係本身執行醫生，冇人可以停到呢個手術，我聽到都覺得大件事！