張堅庭咪後嘢（上） (Patreon)

話說琴日去viu tv拍張堅庭個節目「個個得把口」！ 未開咪我已經問阿張生，可唔可以問佢啲咪後嘢？佢話ok！我首先問佢阿梁振英先生依家仲有冇搵佢呀？佢就話佢自從鬧完佢之後，無再接觸啦？咁我就再問清楚，當日點解你會喺特首選舉之前教佢口才表現技巧？ 因為當時張堅庭係負責唐英年陣營嘅口才技巧訓練！ 而且當時有城市傳聞話阿張堅庭同梁振英秘密喺澳門私底下教佢公關技巧，所以我仲以為張生同梁生係老友！結果張堅庭話畀我聽，其實佢係從來都唔識梁振英先生，而且澳門事件係從來都冇發生！只不過係特首選舉之前啱啱做咗佢三次訪問， 咁就順便在佢要求之下教咗佢一啲表達技巧同埋公關手法， 例如梁振英講及佢家庭故事都係張堅庭教嘅！張堅庭一毫子都冇收過梁振英，反而係收足唐英年錢！ 我哋在場都大笑！收錢嗰個就輸咗！冇收錢嗰個就贏咗！