庸醫 (Patreon)

關於何志平近排俾人喺美國告上法庭行賄非洲官員，就已經見到好多人話佢呢個人本身幾好架！好多以前嘅病人又讚賞佢醫術高明等等，而我琴日終於知道一單個案並非如此，話說香港某一間NGO，裏面有個完全失明嘅義工，一講起何志平就嬲到爆炸！事關原來早幾十年佢個主診醫生就係何志平，當時呢位仁兄眼睛唔舒服去睇何生，證實左係視網膜脫落，何志平就不斷叫佢滴眼藥水而唔係即刻走去做手術，結果一星期後兩隻眼完全失明無法挽救，何志平最初嘅醫術係一啲都唔高明㗎！依家係人都知視網膜脫落就要即刻做手術㗎啦！作為一個眼科醫生竟然叫人猛咁滴眼藥水？原來佢都只係一個庸醫！唔怪得連行賄都唔識啦！