選舉幕後真相 (Patreon)

我忍唔住又想講下個九龍西選舉，你知中共真係做咗好多嘢，話說一個月之前，中聯辦四個部長級人馬，係冇事先通知下，衝左上我所屬嗰間同鄉會，一嚟到就叫在場所有職員連同佢哋自己嘅電話鎖係間房間，就表達會喺選舉前一星期舉辦大型造勢大會，要求我哋個會派大量人士出席支持陳凱欣，而且要我地動員當區會員投票俾陳凱欣！其實咁樣嘅情況比以往係好罕見嘅，以前正常選舉都會事先溝通先至會出現中聯辦上嚟協調，而家直情好似直接管轄你咁樣，而同一時間，大陸又加強對我嘅統戰工作，忽然間要求我飛去山東煙台，表達當地僑務聯誼會改選，希望選我入會！我當然表達時間能力有限暫時唔參加，佢哋就話你唔使到啦！簽個名我哋就直接將你加入會啦！我當然亦都好婉轉拒絕左！之後中聯辦就透過我個同鄉會要求我11月25號之前幫手聯絡相關會員投票俾陳凱欣以及在當日幫陳凱欣做勢！其實大陸真係勁架，要統戰我呢個黃絲，無所不用其極！咁我咪唯有唔小心去咗日本旅行乜都幫唔到手囉！仲私底下幫我朋友劉小麗出咗少少力添！但係李卓人選唔到係抵死嘅！因為佢真係乜都唔肯做！依家香港政治真係冇眼睇！我自己都係果句，堅持到幾多就幾多啦！我都話若果我要歸邊要發達，一早做咗㗎啦依我家庭背景！我就係唔鍾意呀！我就係鍾意自由囉！