北京故事 (Patreon)

話說今日朋友結婚撞到好多傳媒人，其中一個女士近年已經去咗北京從事幕後工作，我問長問短問左問右，問咗個令在場好多人啞口之問題：「你去咗北京有冇俾人打過劫？」佢話自己就冇，不過佢住嗰區豐台，早排先出現三單劫殺案，有人躲喺小河草叢邊等夜歸嘅人一刀割落個喉嚨即死搶晒所有嘢！已經殺左三個回家嘅人，但係兇手到而家都捉唔到！甚至兇手係點樣都無人知，最重要係全部傳媒都唔報道呢件事，報喜不報優依然係大陸嘅重要條款！我哋在場嘅人就諗可能係連環殺手多過劫殺囉！大膽！北京點可以有連環殺手出現㗎！只可以喺華盛頓出現！完！