不是小道消息 (Patreon)

今朝睇新聞，報導「國務委員兼外長王毅說，新疆事務是中國內政，希望記者重視中國官方發布的信息和介紹的情況，即新疆維吾爾自治區政府授權發布的權威消息，而不是相信小道消息，熱衷道聽途說。」令我忍唔住講啲秘密畀大家聽！ 話說今年年頭農曆新年嘅時候， 我北京兩個親戚突然間嚟香港同我及老豆拜年！ 真係二十幾年冇試過啦！我都覺得好奇怪點解咁嘅呢？ 一個就喺中國外交部工作、 另一個就喺國務院工作，席間佢哋就同我講:「阿海， 要知道依家新疆非常之慘㗎， 任何維吾爾族人若果犯咗少少錯誤，政府係絕對唔會手軟， 誅連九族！一個家人犯罪 全部人會拉去集中營！」我唔係聽小道消息㗎！算係中央表達嘅消息嚟㗎！當然我好明白點解佢同我咁講嘅！即係暗示叫我唔好累到佢哋囉！